Bohri Fried Chicken By Chef Sara Riaz

Ingredients:

Chicken 1 kg (8 pieces)
Haldi     1/4 tsp
Salt    1 tsp
Adrak lehsan ka paste     1 tbsp
Hari mirch pissi hoi     1 tbsp
Bread crumbs (double roti ka chora) 1 cup
Egg    2 adad
Timatar ka paste    2 tbsp
Zeera    bhuna howa(kuta hoa) 1 tbsp
Pani    1/2 cup
Oil hasb-e-zarorat



Method:

- Ek pan main chicken dalein aur is main namak, haldi, adrak lehsan ka paste or pissi hoi hari mirch dal kar mix karein.
- Is k bad bhuna hoa zeera, timatar ka paste or pani dal kar mix kar k isey dhanp dein or 10 minute tak pakayein.
- Ab ye adha gala hoa hoga to is ko kisi bowl main nikal lein or garam chicken per bread crumbs chihrk kar hilayein ta k bread crumbs ache tarah chicken per lag jaye.
- Anday 2 table spoon pani k sath phaint lein.
- Bread crumbs laga chicken anday main dip kar k deep fry kar lein.
- Mazedar bohri fried chicken tayyar hay. Sauce k sath serve karein.

Watermelon Juice (Tarbooz Ka Sharbat) With Lemon By Chef Yasha Siddiqui

Ingredients:

Tarbooz     10-12 medium size pieces (darmiyaney tukrey)
Lemon ka ras    2 tsp
Red serup    3-4 tbsp
Pani        Hasb-e-zarorat
Baraf        Hasb-e-zarorat
Lemon slices for decoration

Method:

- Juicer blender main tarboz, pani(pani itna dalein k tarboz doob jayein), lemo ka ras or red serup dal k blend karlein.
- Ab baraf dal k blend karein.
- Glass main dalein or lemon k slice k sath saja k serve karein.

Orange Lemonade By Chef Yasha Siddiqui

Ingredients:

Orange juice    1 cup
Pani        1 cup
Sugar        2 tbsp
Lemo ka ras     2 tbsp
Baraf         Hasb-e-zarorat
Orange slices for decoration

Method:
- Juicer blender main orange juice, lemo ka ras, pani or cheeni dal k blend karlein.
- Ab baraf dal k blend karein. Glass main dalein or orange slice k sath saja kar paish karein.

Mango Delight

Ingredients:

Mango (cubes main katy howe)    1 cup
Mango Icecream            1 liter

Method:

- Mango cubes ko mango icecream main shamil kar k mix karlein.
- Phir 3-4 hours k liye refrigerator main rakh dein. Jab ache tarah freeze hojaye to nikal kar serve karein.

Lakhnawi Kabab By Chef Sara Riaz

Ingredients:

Qeema    1 pao
Garam masala pissa hoa 1 tsp
Sabit dhanya  1/2 tsp
Sabit Zeera 1/2 tsp
Piyaz 1 adad
Besan (bhuna hoa) 1 tsp
Dahi    1 tsp
Kacha papeeta     1 tsp
Adrak lehsan ka paste    1 tsp
Lal mirch powder    1/2 tsp
Salt Hasb-e-zarorat

Method:

- Qeemay ko ek piyaley main dal dien.
- Ab us main bhuna hoa besan, dahi, papeeta, namak, lal mirch or garam masala shamil kar k ache tarah mix karlein.
- Ab hath geela kar k is mixture ko kebab ka shape dein or shallow fry karlein.
- Imli ki chatni k sath serve karein.

Tomato Chatni by Chef Nadeem

Ingredients:

Tomato 1/2 kg
Sugar 1/2 cup
Sirka 1/2 cup
Lehsan 1 tsp
Lal mirch powder 1/2 tsp
Corn flour 1 tsp
Salt Hasb-e-zaiqa

Method:

- Timatar ko boil kar k us k chihlkay utaar lein.
- Ab blender main timatar or uper diye gaye sare ingredients dal kar pees lein.
- Mazedar chatni tayar hay. Ab is ko air tight jar main rakh kar mehfoz karlein.

Falooda by Chef Gulzar

Ingredients:

Milk (garha dodh) 1/2 kg
Sewaiyan 1 cup
Venila icecream 2 cup
Green jelly 1 adad
Takhum balanga 2 tbsp
Badam pista hasb-e-zarorat
Choclate wafers hasb-e-zarorat

Method:

- 2 table spoon red sharbat glass main dalein phir sewaiyan shamil kar k baraf dal dein.
- Ab adha cup garha dodh dal kar icecream shamil kardein.
- Is k baad green jelly dalein, takhum balanga phir dodh or icecream, red sharbat, pista, badam or akhir main choclate wafer shamil kar k serve karein.

Bread ki Kheer

Ingredients:

Milk (dodh) 1 liter
Bread 4 slices
Egg 3 adad
Sugar Hasb-e-zaiqa
Keowra 1/4 tsp
Dry fruits for garnishing

Method:

-Bread k slices ko halki aanch per seink kar halka lal karlein. Phir in ko masal kar chora karlein.
- Ek degchi main dodh boil karlein..jab ubal ajaye to us main bread ka chora dal dein or tez aanch per pakain. spoon brabar chalaty rahein takey guthliyan na ban jayein.
- Andon ki zardi main sugar dal kar achi tarah phaint lein or dodh main shamil kardein.
- Jab mixture garha hojaye or pak kar yakjan hojaye to keowra k chand drops dal kar cholhay se utar lein.
- Double ki kheer tayar hay. Dry fruits se decorate kar k serve karein

Makkai ki Roti By Chef Saadat Siddiqui

Ingredients:

Chakki ka aata 1/2 cup
Makkai ka aata 1/2 se 1 cup
Salt Hasb-e-zaiqa
Desi ghee/ butter Hasb-e-zaiqa
Pani Hasb-e-zarorat


Method:

- Chakki ka aata, makai ka aata, namak, desi ghee ya makhan ko mix kar k pani ki madad se gondh lein
- Aata gondh kar oper ghee laga k kuch dair rakh dein. Phir halka sa ghee laga k frying pan main ya taway per paka lein.

Sausage Kabab by Chef Shireen Anwar

Ingredients:

Beef Boneless 1/2 kg
Egg 1 adad
Hari mirch (kati hoi) 2-3 adad
Piyaz (bareek kati hoi) 1 adad
Bread slices 3 adad
Pani 1/2 cup
Lal mirch (pissi hoi) 1 tsp
Safaid Zeera 1 tsp
Adrak lehsan ka paste 1 tsp
Salt 1 tsp (hasb-e-zaiqa)
Garam Masala 1/2 tsp
Hara dhanya (kata hoa) 2 tbsp
Oil (garam kia hoa) 2 tbsp
Besan 4 tbsp

Method:
- Boneless beef ko adrak lehsan ka paste or hasb-e-zarorat pani k boil kar lein, yahan tak k pani khushk hojaye or gosht gal jaye.
- Ab gosht ko thandakar k machine main bareek pees lein.
- Is main 3 adad bheegi hoi bread slices, safaid zeera, namak, pissi hoi lal mirch, pissa hoa garam masala, kati hoi har mirch, kata hoa hara dhaniya, bareek kati hoi piyaz, anda or garam oil dal kar achi tarah mix kar lein.
- Ab is k sausage kabab bana kar garam oil main deep fry kar lein. Mazedar sausage kabab tayar hain. Chatni ya ketchup k sath garam garam serve karein.

Galawati Pasanday by Chef Shireen Anwar

Ingredients:

Beef pasandy 1/2 kg
Dahi 1 cup
Oil 1/4 cup
Dhanya pissa howa 1 tsp
Lal mirch pissi hoi 1 tsp
kuti hoi lal mirch 1 tsp
salt hasb-e-zaiqa
Lehsan Adrak ka paste 1 tbsp
Papety ka paste 1 tbsp
Garam masala 1/2 tsp
Besan (Bhuna howa) 2 tbsp
Piyaz (Tali hoi or pissi hoi) 2 tbsp

For garnishing: Piyaz (rings ki shape main katy howe, hiri mirch, podiney k patty)

Method:

- Pasanday main papety ka paste, namak, bhuna hoa besan, tali or pissi hoi piyaz, garam masala, dahi, adrak lehsan ka paste, pissa howa dhanya, pissi or kuti hoi lal mirch mix (marinate) kar k 1 hour k liye rakh dein.
- Ab koely ka dam dein or oil garam kar k is main marinate kiye howe pasanday dal kar halki aanch per 20 minutes tak pakayein, yahan tak k wo gal jayein or fry hojayein.
-Akhir main inhain nikal kar piyaz k rings, hiri mirch or podiney k patton se garnish kar k serve karein.

Chinese Samosay

Ingredients:

Chicken boneless 1/2 kg
aalo 4 adad
egg 5 adad (boiled-ublay howe)
salt hasb-e-zaiqa
kali mirch hasb-e-zaiqa
samosay ki pattiyan hasb-e-zarorat
ghee/oil for frying

Method:

- Chicken or aalo k choty choty piece kar k kali mirch or namak sath thorey se pani main pakayein.
- Jab pani khushk hojaye or chicken or aalo gal jayein to is aamezay ko achi tarah mix karlein.
- Ab ublay howe eggs k pieces kar k is mixture main shamil karein.
- Ab ye mixture samosay ki patti per rakhein or samoson ki shape dey dein.
- Frying pan ya karahi main oil/ghee garam karein or samosay us main dal dein. Golden brown honey per nikal lein.
- Ketchup ya chatni k sath mazedar chinese samosay serve karein.

Chicken Sandwich by Chef Zakir

Ingredients:

Chicken boneless 200 gm
Oil 3 tbsp
Lal mirch pissi hoi 1/2 tsp
salt hasb-e-zaiqa
Kali mirch pissi hoi 1/2 tsp
lehsan ka paste 1/2 tsp
egg 3 adad
tomato ketchup 1 cup
Mayonnaise 1 cup
Bread 8 slices
Cheese slice 4 slices
Salad k patty/tamatar(slices) for decoration

Method:

- Boneless chicken k cubes kat lein or ek pan main oil dal kar us main chicken dal dein.
- Jab chicken white honey lagy to us main lehsan paste, pissi hoi lal mirch,kali mirch or namak daal kar bhoon lein.
- Anday phaint lein or thora thora frying pan main daal kar fry karlein.
- Bread k 4 slices ko saink lein or kinary kaat lein
- Ek slice per ketchup lagayein, phir us per anda rakhein phir mayonnaise dalein or phir chicken.Ab is per cheese slice rakh kar tamatar k slice rakhein or phir salad k pattay.
- Dosrey slice per ketchup laga kar is k uper rakhein. Mazedar sandwich tayyar hay.

Lab-e-Sheeren

Ingredients:

Milk 1 kg
Fresh cream 1 packet
Sugar 1 cup
Corn flour 5 tbsp
Jelly 2-3 colors
Pineapple 1 tin
Apple 1 adad
Banana 2-3 adad
Grapes 1 cup
Roh afza sharbat 3 tbsp
Badam pista akhrot for garnishing

(Apple, banana, pineapple k choty choty pieces karlein)


Method:

- Milk main sugar dal kar pakney dein. jab sugar ghul(melt) hojaye or dodh boil hojaye to corn flour ko thorey se thandy dhodh main mix kar k paktey howe dodh main dal lein yahan tak k dhodh custurd ki tarah garha hojaye.
-Ab is mixture main cream mix karein or thanda honay k liye rakh dein
-Ab jelly tayar kar k us k pieces bana lein.
-Jab mixture ache tarah thanda hojaye to us main roh-afza/sharbat, sarey fruits, jelly dal kar mix karein. Nuts se garnish kar k serve karein.

Almond Fritters

Ingredients:

Maida 2 cup
Butter 1/2 cup
egg 1 adad
Badam 1/2 cup
Sugar 1/2 cup
Icing sugar for garnishing
oil for frying

Method:

-Maiday main egg,butter,sugar or badam pees kar shamil karein or gondh lein.
-Ab apni apni ka koi bhi shape dey kar fry karlein.
-Fry karney k bad usko thanda karein.Jab thanda hojaye to icing sugar chihrk dein.
-Mazedar almond fritters ready hain. Sham ki chaye k per serve karein.

Chapli Kabab

Ingredients:

qeema 1/2 kg
sabit dhanya kuta hoa 2 tbsp
egg 2 adad
zeera kuta hoa 2tbsp
anar dana 1 tbsp
piyaz bareek kati hoi 3 adad
hari mirch bareek kati hoi 4 adad
lal mirch kuti hoi 1 tbsp
lehan ka paste 1 tbsp
tamatar, kheeray k slices for garnishing
oil for frying
salt hasb-e-zarorat

Method:
-Ek bowl main qeema main upar diye gaye saarey masalay mix kardein.eggs ko bhi phaint kar qeemay main shamil kardein or kuch dair k liye rakh dein.
-Ab frying pan main oil garam karein, or qeemy k kabab bana kar fry karein. dark brown honay per nikal lein.
- Tamatar or kheery k sath garnishing kar k ketchup k sath garam garam serve karein.

Kashmiri Chai (Pink Tea)

Ingredients:

Green tea 1 tbsp
loung 4 adad
daar cheeni 1 bara piece
choti elaichi 4-5 adad
Khanay ka soda 1 chutki (1 pinch)
salt hasb-e-zaiqa
sugar hasb-e-zarorat
dodh (milk) 1 kg
pani 4 cup
badam pista (bareek katy howe) hasb-e-zarorat

Method:

- Ek baray sauce pan main 4 cup pani dalein. ab us main green tea, loung, daar cheeni, elaichi, namak dal kar ubaal lein.
- Jab pani boil honay lagay to us main soda dal kar ache tarah phaint lein, yahan tak k paani ka rang red sa ho jaye.
- Is mixture ko itna pakayein k pani khushk ho k 1 se 1 1/2 cup reh jaye. ab is main milk or sugar dal dein or mazeed pakayein.
- Akhir main Badam or pisty shamil kar dein or garama garam kashmiri chaye serve karein

Kachchay Kaily (banana) kay Kabab

Ingredients:

Kachchy kaily 6 adad
chanay ki daal 1/2 cup
salt hasb-e-zaiqa
safaid zeera, kali mirch pissi hoa 1 tsp
lehsan adrak ka paste 1 tbsp
lal mirch pissi hoi 1 tbsp
oil 2 tsp

Method:

- kailon k chihlkay utaar kar 3-4 pieces kar k daal k sath ubaal lein.jab dono gal jayein to pani se nikal lein.
- ab kailon or daal ko ache tarah pees lein.
- Phir us main safaid zeera, kali mirch, lehsan adrak paste, lal mirch, namak dal ker mix karlein or kabab ki shape main tikya bana lein.
- Fry pan main oil garam karein (karahi use na karein). Halki aanch per thorey se oil main kabab ko fry karein. Brown honay per nikal lein. Garam Garam ketchup k sath serve karein

Chanay ki Daal ka Paratha

Ingredients:

Chanay ki daal 1 pao (250 gm)
lal mirch pissi hoi 1 tbsp
safaid zeera pissa hoa 1 tbsp
kalonji 1/4 tsp
salt hasb-e-zaiqa
aata(flour) hasb-e-zarort

Method:

- Dal ko ubal kar pees lein. Phir is main lal mirch,namak, safaid zeera dal kar mix karlein.
- Aata gondh lein. ab pairey bana kar is ko piyaley ki shape de kar us main dal bhar kar band kardein. ab parathey ki tarah beil kar seink lein.
garam garam parathay tayar hain. Chatni ya raity k sath serve karein

Gulgula

Ingredients:

Aata (flour) 2 cups
Sugar half cup
salt ¼ tsp
Khopra (optional) ½ tsp
Sonf (optional) ½ tsp
Badam/pista (optional – bareek katay howe) ½ tsp

Method:

- Thorey se pani main aata, sugar, namak, khopray,sonf or dry fruits dal kar ache tarah mix karlein. Mixture ko thorey dair k liye rakh dein takey sugar ache trh mix hojaye. Mixture ko thick rakhna hay takey round shap dey sakein
- Ab ek karahi main oil ko garam karein. Ab is mixture ko balls k shape main oil main halki aanch per fry karein. Dark brown honey per nikal lein. Mazedar gulgully tayar hain. Garam garam serve karein.