Bohri Fried Chicken By Chef Sara Riaz

Ingredients:

Chicken 1 kg (8 pieces)
Haldi     1/4 tsp
Salt    1 tsp
Adrak lehsan ka paste     1 tbsp
Hari mirch pissi hoi     1 tbsp
Bread crumbs (double roti ka chora) 1 cup
Egg    2 adad
Timatar ka paste    2 tbsp
Zeera    bhuna howa(kuta hoa) 1 tbsp
Pani    1/2 cup
Oil hasb-e-zarorat



Method:

- Ek pan main chicken dalein aur is main namak, haldi, adrak lehsan ka paste or pissi hoi hari mirch dal kar mix karein.
- Is k bad bhuna hoa zeera, timatar ka paste or pani dal kar mix kar k isey dhanp dein or 10 minute tak pakayein.
- Ab ye adha gala hoa hoga to is ko kisi bowl main nikal lein or garam chicken per bread crumbs chihrk kar hilayein ta k bread crumbs ache tarah chicken per lag jaye.
- Anday 2 table spoon pani k sath phaint lein.
- Bread crumbs laga chicken anday main dip kar k deep fry kar lein.
- Mazedar bohri fried chicken tayyar hay. Sauce k sath serve karein.

Methi Corn Chicken By Chef Shireen Anwar

Ingredients:

Chicken (16 pieces) 1 kg
Choti methi 4 gatthi
Piyaz kati hoi 1 cup
Timatar katy howe 1 cup
Dahi 1 cup
Sweet Corn 1 cup
Oil 1/2 cup
Garam MAsala 1 tsp
Haldi 1 tsp
Salt 2 tsp (hasb-e-zaiqa)
Lal mirch pissi hoi 2 tsp
Adrak lehsan ka paste 2 tbsp
Hara Dhaniya 2 tbsp
Khoya 3 tbsp
Fresh cream 4 tbsp


Method:

- Chicken ko dahi, adrak lehsan ka paste, namak, pissi hoi lal mirch aur garam masala se marinate kar k ek hour k liye rakh dein.
- Ab oil garam kar k us main kati hoi piyaz achi tarah fry kar lein.
- Phir is main kati hoi piyaz, choti methi, adrak lehsan ka paste, haldi, pissi hoi lala mirch namak or katy howe timatar shamil kar k 10 minutes tak achi tarah fry karlein.
- Is k bad fry ki hoi chicken dalein or dhak kar galney tak pakayein.
- Ab is main sweet corn, khoya, garam masala, fresh cream or hara dhaniya dal dein.
- Mazedar methi corn chicken tayar hay. Garam garam nan k sath serve karein.

Chicken Karahi By Chef Zakir

Ingredients:

Chicken 500 gram (1/2 kg)
Timatar 1 pao
Adrak 2 tbsp
Adrak lehsan ka paste 2 tbsp
Hari mirch 4-5 adad
Lal mirch (Kuti hoi) 1 tbsp
Hara Dhanya 1/2 bunch
Dhanya sokha kuta hoa 1 tsp
Zeera kuta hoa 1 tsp
Haldi 1/2 tsp
Maithi (sokhi hoi) Hasb-e-zarorat
Salt Hasb-e-zaiqa
Oil Hasb-e-zarorat
For garnishing:
Salad k patty, lemon slices, tomato slices, podinay k patty

Method:

- Chicken k chotey pieces karlein.
- 3 timatar kaat kar pees lein.
- 1/4 cup oil main asrak lehsan ka paste, chicken, sabit dhanya, zeera, 3 adad hari mirch or aadha hara dhanya kat kar pan main dal dein. Aur pissa hoa timatar mila kar pakayein.
- ab is main namak, kuti hoi lal mirch, haldi powder dal kar dhak kar 2-3 minut tak pakaiyein phir bhook kar dhak dein,
- Ab is main maithi, hara dhanya or hari mirch shamil kar k 10-12 minute tak pakayein.
- Mazedar chicken karahi tayar hay. Plate k ek taraf salad k patty rakh kar chicken karahi dal dein or podinay k patty, katy howe lemo or hari mirch or timatar k qatlo se saja kar garam garam nan k sath serve karein.

Chicken Cutlets

Ingredients:
- Chicken: 3,4 small pieces
- Potato: 5,6 normal size
- Kali mirch: sabit 2,3 adad, pissi hoi 2 tea spoon
- Soya sauce: 4 tea spoon
- Egg: 1 adad
- Breadcrums (doubleroti ka chora): 2 slices
- Salt: hasb-e-zaiqa

Method:
- Chicken ko thorey pani main kali mirch(sabit), namak or soya sauce(2 tsp) dal kar is tarah boil karein k pani usi main khushk hojaye.
- Boiled chicken ko bareek reshon ki sorat main mesh karlein.
- Aalo ubaal lein or unko bhi achi tarah mesh karlein (masal lein).
- Mesh kiye howe aalo main pissi hoi kali mirch, namak, soya sauce(2 tsp) or meshed chicken dal kar ache tarah mix karlein.
- Mixture ko kabab ki ya koi bhi shape dein lein.
- Phir ek bartan main anda phaint lein.
- Kabab ko andy main dip karein phir breadcrums ki coating kar k halky aanch main deep fry karein or golden honay per nikal lein or ketchup ya chatni k sath serve karein
Note: Agr breadcrums available na hon to bread k slices ko ache tarah grand kar k use karlein